Seniors in Val Müstair

Las abitantas e’ls abitants plü attempats da la Val Müstair fuorman ün’importanta part da la cumünanza. Perquai voul il cumün  pudair spordscher a las senioras e seniors ün ambiaint accordà a lur bsögns; infrastructuras e spüertas medicinalas correspundentas sco eir arrandschamaints ed occurrenzas per la chüra da la convivenza sun cundiziuns da basa idealas.

 

Arrandschamaints ed occurrenzas per seniors

«Chi chi posa, fa ruina», uschè disch la bocca dal pövel. Per prevgnir a la ruina da la vegldüm e per promouver la fitness tant spiertala sco corporala, vegnan sportas in Val Müstair bleras pussiblitats. Activitats da gruppas da tuot gener rinforzan il sentimaint d’appartgnentscha e fan simplamaing plaschair. Quia ün extrat da la spüerta:

  • Gruppa da spassegiar Pro Senectute
  • Inscunters al tavulin 
  • Gimnastica 60+
  • Pilates per seniors 

Gesamtes Angebot

Giantars 55+

Broschüra 2019 - gnir vegl cun buna qualità da viver

 

Spüerta medicinala per seniors

In Val Müstair as rechatta l’ospidal il plü pitschen da la Svizra: il Center da sandà Val Müstair. Per umans attempats spordscha quel in üna dimensiun survisibla ün spectrum da trattamaints medicinals approprià a seniors chi cumpiglia tanter oter las seguaintas spüertas.

Spitex

Schi nu va plü sulet a chasa e scha Ella/El bsögna sustegn, per pudair viver inavant in Seis ambiaint üsità, es la Spitex Val Müstair Sia partenaria professiunala. Ella spordscha sustegn in tuot las fasas da la vita ed i till’es important cha quai capita man in man cun Ella/El e Sias persunas da referminaint.

Contact Spitex

Sylvia Kruger-Pinggera
Manadra d‘acziun Spitex

Dumondas administrativas: 
Lü - Ve: 08.00 – 17.00 h
Tel. +41 (0)81 851 61 60

Dumondas da sandà:
Mincha di: 07.00 - 19.00 h
Tel. +41 (0)79 799 01 22

Chasa da chüra

Scha l’ambiaint üsità nu po plü garantir per persunas attempadas, cun tuot la chüra tras confamiliars e la Spitex, la sgürezza necessaria, schi es la chasa da chüra dal Center da sandà il prüm post da consultaziun. Qua chattan senioras e seniors ün nouv dachasa chi reunischa medicina e la vart umana, ota cumpetenza professiunala dal persunal da chüra e dals meidis sco eir blera empatia in quist process da müdamaint suvent difficil.

Contact Chasa da chüra

Helga Adank
Manadra da ressort chasa da chüra
Tel. +41 (0)81 851 61 85