Baselgias catolicas ed evangelicas
La clostra da benedictinas San Jon a Müstair es probabel la plü cuntschainta dal cumün: Ella figürescha illa glista dal patrimoni cultural da l‘UNESCO ed es üna perdütta da l’ota fluraschun cristiana intuorn l’on 800, cur ch’ella es gnüda s-chaffida.
Il Cumün da Val Müstair es confessiunalmaing masdà. Passa la mità da la populaziun es catolica-romana, bundant ün terz es refuormà e pacs fan part dad otras cumünanzas religiusas o chi sun sainza confessiun.
Cults divins han lö minch’eivna illas baselgias. Las datas dals cults divins vegnan publichadas illa gazetta locala Mas-chalch e sülla tabla naira in vicinanza da las baselgias.
