Uffizi tecnic

Cumün da Val Müstair

Il servezzan tecnic dal Cumün da Val Müstair pissera per la nettaschia da vias, plazzas ed implants; eir la chüra e’l custodimaint da las infrastructuras sco eir la rumida da naiv fan part dal chomp d‘incumbenzas. L’ingaschamaint da collavuraturs dal servezzan tecnic garantischa ün’ota qualità da vita ed ün aspet dal cumün accogliaint tant per abitantas ed abitants sco eir per turists illa Val Müstair.

Tuot las infuormaziuns davart l’allontanamaint da rument, palperi, chartun, vaider, cadavers da bes-chas, vanzets da spaisas e lavadüras da chadafö, rument verd, rument da fabrica sco eir oter rument as poja leger in noss documaints chi sieuan.  

Pel provedimaint da l’aua da baiver i’l Cumün da Val Müstair sun gnüts miss ad ir 12 reservuars dad aua da baiver chi distribuischan a las chasadas l’aua cun agüd d’üna vasta rait da lingias d’aua da baiver. 

5 reservuars sun munits cun turbinas electricas chi funcziunan cun aua da baiver e transfuorman uschè il potenzial da forza idraulica in energia electrica.