Temp liber e sport in Val Müstair

Societats, implant da sport e stüva da ler 

Il Cumün da Val Müstair spordscha, grazcha ad üna cultura da societats activas, üna vasta paletta da pussibiltats per dar taimpra al temp liber, far amicizchas ed esser uschè üna part dal cumün. 

 

Societats

Dal giovader da hockey, la giovadra da tennis, il collecziunader da marcas postalas fin al sunader da corn da chatscha e la skiunza: la Val Müstair es ün lö da las societats. Tras ils interess cumünaivels vain rinforzada la cumünanza chi pussibiltescha a nouvs abitants l’integraziun na cumplichada.  

Survista da las societats

Promoziun da la giuventüna in Grischun, sportas ed infuormaziuns suot: 

jugend.gr

Center da giuvenils Val Müstair, vair suot:

 http://www.scvm.ch/wp/giuvenils-val-muestair/

 

Stüva da ler e medioteca

Cun üna stüva da ler ed ün medioteca spordscha il cumün blera lectüra per persunas interessadas.  
 

Archivs culturals da la Val Müstair

www.archivs-culturals.ch

 

Bibliotecas e mediotecas Survista dal Grischun 

Bibliotecas e mediotecas Survista dal Grischun

Stüva da ler a Tschierv

Chasa da Biosfera
7532 Tschierv

Lündeschdi, marcurdi, venderdi 9.00 – 18.00 h

Archivs culturals da la Val Müstair

c/o Biblioteca Jaura
Muglin 37
7535 Valchava

Venderdi 14.00 – 16.00 h obain tenor cunvegna
contact@archivs-culturals.ch

Medioteca Müstair

Chasa cumünala
7537 Müstair

Lündeschdi 16.30 - 18.00 
Gövgia 09.00 -10.00 / 19.00 - 20.00
medio.muestair@bluewin.ch

Implants da sport

Plazzas da glatsch

La plazza da glatsch da Müstair sper la chasa da scoula da Müstair sco eir la plazza da glatsch da Tschierv sper la chasa da scoula e da cumün da Tschierv sun tuottas duos avertas fin a las 22.00 h, l’access es gratuit.

 

Runals da skis

Davart l’avertüra dals runals da skis e dal runal per uffants LIFU Fuldera, sun da chattar infuormaziuns sülla pagina d’internet dal territori da skis Val Müstair:
Territori da skis Minschuns.

 

Plazzas da ballapè

Il cumün posseda tschinch plazzas da ballapè: chasa da scoula Müstair, Plazzöl Müstair, chasa da scoula Sta. Maria, Fuldera e sper la chasa da scoula e da cumün Tschierv.

Plazzas da giovar per uffants

Mincha fracziun dal Cumün da Val Müstair dispuona d’ün‘aigna plazza da giovar per uffants: Plazzöl Müstair, chasa da scoula Müstair, plazza da giovar Sta. Maria, Ruinas Valchava, chasa cumünala Fuldera, scoulina Fuldera, chasa cumünala Tschierv e la plazza da giovar Lü Daint.

Plazzas da tennis

Per giovar a tennis dispuona il cumün da plazzas da la società locala da tennis Club da Tennis Val Müstair. Ulteriuras infuormaziuns sun da chattar sülla pagina d’internet dal club:
Club da Tennis Val Müstair

 

Implant da tir

A Chasseras as rechatta l’implant da tir da 300 meters e quel da 50 meters. I’s po trar eir a distanzas plü cuortas.

 

Contact ed adressa:

Uffizi tecnic

Tel. +41 (0)81 858 56 45

tecnic@cdvm.ch

Bogn avert

Il bogn avert da Tschierv dispuona dad ün batschigl da 10 x 5 meters cun 1.2 meters chafuolezza e cun ün sectur pels pitschens. Il bogn avert es libramaing accessibel, nun es survaglià ed es gratuit. Avert es il bogn da la fin da gün fin al principi da settember. 

Contact

Uffizi tecnic 
Tel. +41 (0)81 858 56 45
tecnic@cdvm.ch

Loipas

A Fuldera as rechatta il Center da passlung Val Müstair. El spordscha plazzas da parcar gratuitas a la partenza da la loipa, spordscha üna pussiblità dad imprastar equipagi da passlung e gianellas e la vendita dad artichels da sport sco eir ün kiosc, gardarobas cun duschas e tualettas. Ulteriuras infuormaziuns sun chattar sülla pagina da web dal Grischun: Center da passlung Fuldera