Uffizi civil

Cumün da Val Müstair

L’uffizi civil Engiadina Bassa / Val Müstair cumpiglia ils cumüns da Zernez, Scuol, Valsot, Samignun e Val Müstair. 

L’uffizi civil da la Regiun Engiadina Bassa / Val Müstair as rechatta illa Chasa du Parc a Scuol. El documentescha naschentschas, arcugnuschentschas d‘uffants, matrimonis, registraziun da partenanzas, mortoris o declaranzas davart noms. Implü vegnan emiss extrats, attestaziuns e confermas sün fundamaint dals seguaints registers:  

• Register da naschentschas, da matrimonis, da mortoris e d’arcugnuschentscha 
• Register da famiglias e register da vaschins 
• Register da stadi 

As sainta Ella/El integrà/ada e da chasa in Svizra? Lura ha Ella/El la pussiblità da dvantar Svizra/Svizzer. Per üna natüralisaziun han da gnir accumplidas stringentamaing differentas cundiziuns; tuot tenor cundiziuns, es pussibla üna natüralisaziun facilitada o üna natüralisaziun ordinaria. Ils uffizis civils nu sun implichats directamaing illa procedura da natüralisaziun. Els vegnan activs pür davo cha la natüralisaziun ha obtgnü vigur legala. Per cussagliaziuns e per retrar formulars in chosas da natüralisaziun, es responsabel l’Uffizi per migraziun e dret civil dal Grischun.

Mort e chats da cadavers ston gnir avisats infra duos dis a l’Uffizi civil per la documentaziun. Schi subaintra la mort, sto quella gnir comunichada subit al meidi trattant, tuot tenor eir ad ün meidi d’urgenza. Il meidi ha da dar l‘attest da mortori. L’attest da mortori da sia vart sto gnir surdat stringentamaing a l’Uffizi civil dal lö da l’evenimaint.