Economia forestala
Val Müstair

Garanzia d’üna natüra unica e da plazzas da lavur attractivas  

L’economia forestala Val Müstair es fich importanta per l’economia da la regiun:

Il cumün occupa passa 10 collavuraturs chi cultivan ca. 4'000 hectaras surfatscha prductiva da god. S-chars la mità da las spezchas da bos-cha occupa il pin, segui da larschs, dschembers e tieus.  

Il god in Val Müstair es certifichà dal FSC daspö il 2005.

Il Forest Stewardship Council garantischa cha umans e natüra gnian trattats da maniera faira e cun sen da respunsabiltà, da möd cha’ls gods gnian mantgnüts per generaziuns futuras. Per ragiundscher quista mera, sviluppa il FSC standards per ün’economia forestala respunsabla.  Dal FSC International vegnan definits ouravant 10 princips, 70 criteris e 201 indicaturs.

Pro quai appartegnan, sper la protecziun da la varietà biologica, eir ils drets dals lavuraints cun üna protecziun integrala cunter accidaints ed ün standard elevà da la scolaziun e da sgürezza. Implü sun scumandats tagls radicals e l‘adöver da chemia. Il reservat da la natüra Crippels masüra 31 ha e fuorma üna part da la zona da god Val Müstair.

Fats

Surfatscha:

5'098 ha god dal Cumün da Val Müstair, da quellas hectaras sun 4'350 ha surfatscha productiva, 237 ha god da la Clostra San Jon a Müstair, 42 ha god dal cumün da Tuer/Taufers (Tirol dal Süd), 103 ha god privat, scumpartidas tanter 44 proprietaris.  

Gürada (god da protecziun):

96% da tuot la surfatscha da god (5'098 ha)

Vias da god:

63 km

Ulteriuras infuormaziuns