Trafic public Val Müstair

Cul auto postal, culla Viafier Retica e cul auto privat 

Il Cumün da Val Müstair dispuona d’üna rait da trafic public bain sviluppada chi spordscha ün attach speditiv cul auto postal a la rait da tragets da la Viafier Retica. 

Ils cuors da l’auto postal circuleschan i’l tact d’ün’ura da Mals a Zernez e retuorn. Davent da Zernez spordscha la Viafier Retica bunas colliaziuns in direcziun da Cuoira e Turich.  

Il Pass dal Fuorn collia la Val Müstair cull’Engiadina ed inavant in direcziun dal Grischun Central e Grischun dal Nord.  
Vers süd maina la via i’l Vnuost ed inavant a Meran e Bolzan. Ils gronds spazis economics sco Turich, Milan e München sun ragiundschibels in pacas uras da viadi. 

Il Pass da l‘Umbrail collia la Val Müstair cun Buorm in Vulclina. Il viadi maina sül Pass da l‘Umbrail (2‘505 m.s.m) fond ün detur (5 min.) sül Pass da Stielva/Stelvio/Stilfserjoch, cun 2‘758 m.s.m. il seguond ot pass transibel da l’Europa. Ivala la paina. Impreschiunanta es eir la cuntinuaziun dal Pass da Stielva – Umbrail – Buorm a Tirano. D’instà vain spüert quist viadi eir sco excursiun cul auto postal.  

Ir cul auto privat fa pretaisas particularas als partecipants dal trafic, perquai cha las relaziuns da vista e relaziuns da las vias as pon müdar svelt. Pneus d’inviern sun d’inviern obligatoricas. Aint il auto toccan, sper il sgrattaglatsch, raspas da plastic, scuettinas da naiv e manetschas ed eir chadainas (cun excepziun da veiculs a tracziun 4x4).

Contact

Gabriella Binkert Becchetti
Vicepresidenta dal Cumün da Val Müstair
Paclera 90
7536 Sta. Maria
g.binkert@bluewin.ch