Uffizi forestal

Cumün da Val Müstair

La Val Müstair es situada tanter duos parcs naziunalas: la cuntrada natürala sulvadia cun gods da larschs e da pins. La natüra es la superbgia da la Val Müstair. L’uffizi forestal cultiva quista cuntrada natürala e’s sfadia, per cha la Val Müstair resta in möd perdüraivel ün spazi natüral e vital attractiv.

Chomp d’incumbenzas

Sün dumonda spordscha l’uffizi forestal visitas guidadas dal god per giasts ed arrandschamaints da scolaziun ecologica
Lavur da god cun agens indrizs da l‘intrapraisa
Lavurs da fabrica, impustüt rövens verds e s-charpadas sco eir fabrica da vias da god
Mantegnimaint da ca. 60 km vias da god e vias da meglioraziun, 300 km sendas per ir a chaminar e divers repars da protecziun cunter privels da la natüra
Lavur publica i’l rom dal di dal god chi ha lö minch’on e da las visitas guidadas annualas tras il god cun differentas classas da scoula da la Val
Lavurs da contuorns in quartiers d’abitar
Collavuraturs prodüan i’l magazin da cumün laina dad arder, bancs, maisas, chünettas e chanals per allontanar l’aua ed oters prodots da lain.
Cumbat cunter plantas invasivas estras dal territori ed invasivas (Neophyten) in tuot la Val Müstair
Direcziun da progets parzials i’l Parc da natüra Biosfera Val Müstair