Uffizi forestal

Cumün da Val Müstair

Tanter duos parcs naziunals es ella: la cuntrada natürala sulvadia cun gods da larschs e pins da tschientineras d'ons vegls. La natüra es la superbgia da la Val Müstair. L'uffizi forestal cultiva ils gods da quista cuntrada natürala e's sfadia, per cha la Val Müstair resta in möd perdüraivel ün spazi da natüra e da viver attractiv.

Chomp d’incumbenzas

Cultivaziun dal god da protecziun cun agens indrizs da l'intrapraisa:
- implantaziuns ed implantaziuns da test
- protecziun cunter dons da sulvaschina
- cultivaziun da god giuven
- planisaziun e segnatura dals tagls da legna
- racolta da legna
- masüras cunter ils dons da magliascorza
- controlla dal stadi dal god
Controlla da stadi dals repars cunter privels da natüra
Coordinaziun ed organisaziun da la rumida dad evenimaints da ruinas e lavinas
Lavurs da fabrica, e per part eir la progettaziun vi da repars cunter privels da natüra, in collavuraziun cun impraisas
Lavurs da fabrica inclus la progettaziun e'l mantegnimaint da ca. 120 km vias da god e vias da meglioraziun, 250 km sendas per ir a chaminar
Lavur publica i’l rom dal di dal god e da visitas guidadas tras il god cun classas da scoula da la Val
Lavurs da contuorns in quartiers d’abitar
Collavuraturs prodüan i’l magazin da cumün laina dad arder, bancs, maisas, chünettas ed oters prodots da lain
Cumbat cunter plantas invasivas estras dal territori ed invasivas (Neophyten) in tuot la Val Müstair
Collavuraziun in progets parzials dal Parc da natüra Biosfera Val Müstair
Sün dumonda spordscha l'uffizi forestal visitas guidadas dal god per giasts e per occurrenzas da fuormaziun ecologica
Coordinaziun ed organisaziun da la preparaziun da las loipas da passlung e la vendita da bigliets
Sustegn pro la refacziun da saivs da la separaziun da pas-ch e god