L’assicuranza da vegls e relaschats (AVS) es la pütta la plü importanta da la prevenziun sociala in Svizra.
L‘agentura AVS dal Cumün da Val Müstair cumparta infuormaziuns in connex cull‘AVS, dà oura ils formulars correspundents e fögls d’infuormaziuns. Ultra da quai executescha ella incumbenzas chi tilla sun gnüdas affidads da l’Institut d’assicuranza sociala dal chantun Grischun.
Persunas sainza actività per gudogn dumondan ün certificat da l’AVS pro’l cumün, ingio ch’ellas han lur domicil da dret civil. Persunas cun actività per gudogn s’annunzchan pro lur patrun da lavur chi pissera pel necessari.
Forum
CH-7537 Müstair
Tel. +41 (0)81 851 62 00
Fax +41 (0)81 851 62 01
administraziun@cdvm.ch
L’Institut d’Assicuranza Sociala dal chantun Grischun (SVA) es ün institut autonom da dret public cun aigna persunalità giuridica ed ha sia sedia a Cuoira.
L’Institut d’Assicuranza Sociala coordinescha las lavurs da la chascha da cumpensaziun AVS i’l rom da las ledschas federalas davart l’Assicuranza da vegls e relaschats (AVS), da l’Uorden da cumpensaziun dal gudogn (UCG), dals Supplemaints da famiglias ill‘agricultura (LSA) sco eir dal post da l’AI chantunal i’l rom da la Ledscha federala davart l’assicuranza d’invalids (AI). Ultra da quai es el respunsabel per la retratta da subsidis i’l sectur da l’Assicuranza cunter dischoccupaziun (AD).
Ultra da quai accumplischa l‘SVA las seguaintas incumbenzas affidadas ad el dal chantun Grischun: Prestaziuns supplementaras (PS) a l‘AVS e l‘AI, supplemaints per uffants (CCF) e la reducziun indiviuala da las premias da la sgüranza d’amalats (RIP).
L‘SVA suottasta a la survaglianza da la Confederaziun ed a sias directivas, tant cha quel accumplischa las incumbenzas i’l rom da la ledscha federala. Fintant cha l’Insitut d’assicuranza sociala surpiglia incumbenzas da dret chantunal, suottasta el a la survaglianza dal chantun Grischun.
Fögls d’infuormaziun e formulars d’annunzcha pon gnir telechargiats suot
www.sva.gr.ch o gnir dumandats da l’agentura AVS dal Cumün da Val Müstair.
Ottostrasse 24
CH-7000 Chur
Tel. +41 (0)81 257 41 11
Fax +41 (0)81 257 42 22
www.sva.gr.ch
