Il Rom nascha al Pass dal Fuorn e passa serpagiond e straglüschind tras las cuntradas erbusas da la Val Müstair chi vegnan interruottas dad aspras fuormaziuns da crappa. Inromada da gods verds-chürs e da pizza imposanta chi spordschan spazi da viver per üna gronda varietà da spezchas, as muossa l‘impreschiunanta cuntrada natürala dal cumün situà tanter il Parc Naziunal Svizzer e’l Parc Naziunal dal Stelvio/Stilfserjoch.
Il Parc Naziunal Svizzer es gnü fundà dal 1914 ed es cun quai il plü vegl parc naziunal illas Alps. Il Parc Naziunal Svizzer es gnü nomnà dal 1979 il prüm Reservat da Biosfera svizzer da l’UNESCO. Dal 1995 ha l‘UNESCO renovà il concept da reservat da biosfera, quai chi ha portà cun sai nouvas exigenzas.
Il Parc Naziunal Svizzer nu tillas accumpliva plü ed ha perquai tscherchà la cooperaziun culla Val Müstair. In seguit es gnüda creada in Val Müstair üna zona da chüra e da svilup. Uschè es nat dal 2010 il Parc da natüra Biosfera Val Müstair, chi’d es gnü promovü dal 2016, in cooperaziun cull‘Engiadina Bassa, a la Biosfera da l’UNESCO Engiadina Val Müstair.
Parc Naziunal Svizzer
Chastè Planta-Wildenberg
CH-7530 Zernez
Administraziun
Tel. +41 (0)81 851 41 11
Fax +41 (0)81 851 41 12
Uras d’avertüra büro:
08.00 - 12.00 h
13.30 - 17.00 h
Info@nationalpark.ch
www.nationalpark.ch
Center da visitadurs Zernez
Tel. +41 (0)81 851 41 41
Uras d‘avertüra
