Scoulas in Val Müstair

Da la scoulina e scoula da musica fin al s-chalin superiur (ciclus 1. - 3.)

Las scoulas in Val Müstair asgüreschan als uffants e giuvenils dal cumün davent da la scoulina fin al s-chalin superiur la scolaziun fundamentala in lur patria. Illa scoulina a Valchava, illa scoula primara a Müstair e sül s-chalin superiur a Sta. Maria instruischan 21 magistras e magisters.

Dal 1976 es gnüda fundada la Scoula da musica Engiadina Bassa/Val Müstair a Scuol. Hoz vegnan instruits ca. 500 scolars e scolaras da 27 persunas d‘instrucziun da maniera decentrala. Da la flöta da bloc e ghitarra a la gïa fin a l’orgel o instrumaints da percussiun vegnan muossats ils instrumaints ils plü differents.

La scoula da musica spordscha, sper l’instrucziun dad instrumaints classics e da chant, eir üna fuormaziun musicala da basa: la musicalità dals uffants vain promovüda giovond, cun exercizis da chantar, movimaints e far musica. Implü vaina fat musica e chantà in insembels, per celebrar in concerts davant public la paschiun da la musica.