Plazza economica
Val Müstair

Promoziun economica 

La val meridunala dal chantun Grischun collia geograficamaing importantas plazzas economicas: il Tirol dal Süd, Turich o Milan sun bain ragiundschibels davent da la Val Müstair. Intrapraisas localas profitan, sper la posiziun, da la tenuta favuraivla invers l’economia dal cumün politic autonom sco eir da l’administraziun efficazia, favuraivla pels cliaints ed orientada al servezzan.  

La Regiun Engiadina Bassa/Val Müstair ha defini ill‘Agenda 2030 böts chi optimeschan inavant la plazza economica. Uschè dess gnir rinforzada la collavuraziun sur cunfin ed i dess gnir promovü ün ambiaint innovativ cun vias da decisiun cuortas. 

Quai fa davantar la Val Müstair attractiva sco plazza economica pellas plü differentas branschas, il turissem, il commerzi, l’industria o eir l’agricultura. Uschè han differentas intrapraisas transferi lur sedia in Val Müstair. Dasper ils 1‘500 abitants penduleschan di per di ca. 450 cunfinaris a lur lö da lavur in Val Müstair. Passa la mità dals occupats lavura i’l sectur da servezzans. Lavurar in Val Müstair significha lavurar là, ingio cha oters fan vacanzas; il spazi da viver il plü persistent da las Alps porta cun sai da tuotta sorts avantags chi vala la paina da scuvrir. 

Fundaziun da firmas

Sco fundatur/a d’ün’intrapraisa cun sedia in Val Müstair vain Ella/El sustgnü/da ed accumpagnà/ada. In cas d’üna fundaziun d’üna firma o d’üna filiala d’ün’intrapraisa spordscha il cumün üna man da maniera na bürocratica cun infuormaziuns nüzzaivlas e sustegn na cumplichà; e quai tant per las fuormalitats sco eir cun l’intermediaziun da contacts importants cun autoritats e partenaris.

Contact

Administraziun cumünala Val Müstair
Actuar cumünal
Forum
7537 Müstair
Tel. +41 (0)81 851 62 04
not.manatschal@cdvm.ch

 

Svilup regiunal

La Regiun Engiadina Bassa/Val Müstair s’ingascha permanentamaing per l’optimaziun da la plazza economica. I’l rom da la nouva politica regiunala da la Confederaziun e dal chantun Grischun sustegna il Svilup regiunal Engiadina Bassa/Val Müstair la müdada structurala e promouva cun quai las activitats d’interpraisas, innovaziuns e la creaziun da valurs. L‘"Agenda 2030" dal svilup regiunal ha tut il propöst da promouver l’ota qualità da vita tras üna buna spüerta da passatemp e da cultura, tras instituziuns da scolaziun a l’otezza dal temp sco eir tras üna regiun da sandà. I’l plan da master "Val Müstair 2025" sun francats ils puncts ils plü importants pel ventur svilup da la Val Müstair.

L’attractività da la plazza vain eir promovüda tras ün turissem connectà, tras ün context innovativ cun vias da decisiun cuortas sco eir üna politica activa da comunicaziun e da terrain. Implü vain rinforzada la collavuraziun interregiunala e sur il cunfin.  

Il Svilup regiunal Engiadina Bassa/Val Müstair sta gugent a disposiziun in cas da dumondas. 

Contact

Regiun Engiadina Bassa/Val Müstair
Svilup regiunal 
Chasa du Parc
7550 Scuol
Tel. +41 (0)81 861 00 04
regionalentwicklung@ebvm.ch