Servezzan social

Cumün da Val Müstair

Persunas cun domicil i’l Cumün da Val Müstair chi’s rechattan in üna situaziun d’urgenza temporara o düraivla, han il dret da surgnir agüd finanzial. 

Las prestaziuns d’agüd social vegnan quintadas in mincha cas individualmaing. La calculaziun succeda sün fundamaint da las disposiziuns chantunalas (ABzUG) e racumandaziuns dals cumüns sco eir da las directivas da la Conferrenza Svizra per agüd social (COSAS/SKOS). La cumischiun sociala dal cumün da Val Müstiar decida a la fin davart las prestaziuns d’agüd social chi sun da conceder. 

Il chomp d’incumbenzas da la Cumischiun sociala cumpiglia ils seguaints servezzans:

• Post d’infuormaziun per dumondas dadour il chomp social 
• Pajamaint antecipà d‘alimaints per uffants
• Agüd d’inchasch per contribuziuns d‘alimaints
• Pajamaint antecipà da munaida da la chascha da dischoccupats 
• Examinaziun da las dumondas e distribuziun d’agüd social