Museums ed instituziuns culturalas

Chi saja litteratura, musica, film o referats: in Val Müstair daja per blers gusts il lö adattà per as confruntar cun bains culturals indigens. Il möd avert da la glieud da la Val as muossa per exaimpel i’l museum Chasa Jaura a Valchava: La maisa raduonda invida a giasts ed indigens duos o trais jadas l’on ad üna discussiun sur da temas culturals.

A Fuldera es l’anteriura chasa da scoula il lö per concerts, prelecziuns, rapreschentaziuns da teater, referats, exposiziuns ed arrandschamaints per perfecziunamaints; i’l Chastè da Cultura s’inscuntran artists, giasts ed indigens. 

Ün muglin dal 17. tschientiner as rechatta, restorà in möd fidel a l‘original, a Sta. Maria. Daspö il 2004 giran sias roudas grazcha a donaziuns darcheu sco da temp vegl.

Ün program da contrast cull’aua spordscha üna località a Sta. Maria chi’d es rivada aint il cudeschs dals records da Guinness: la plü pitschna bar da whisky dal muond.

Illa Chasa Plaz, chi ha üna valur istorica, chatta il visitadur / la visitadura interessada per l’istorgia il museum da militar dal 1914/18. Quel raquinta sur dal temp da la prüma guerra mundiala illa regiun dal Pass d’Umbrail / Stelvio.