Cumischiuns
Tuot tenor cumischiun vegnan ils commembers tschernüts obain da votantas e votants o da la suprastanza cumünala.
Ils votants tschernan tras elecziun populara ils seguaints gremis:
- Suprastanza cumünala
- Cumischiun sindicatoria
- Cussagl da scoula
- Cumischiun da fabrica
Cumischiuns cumün da Val Müstair, legislatura 2021 - 2024
Radunanza cumünala
La radunanza cumünala es l’instanza legislativa dal cumüna chi vain bannida da la suprastanza cumünala e manada dal president cumünal. Sias incumbenzas principalas sun:
- Approvaziun dal quint annual e dal preventiv (büdschet)
- Definiziun dal pè d‘impostas
- Definiziun da la tariffa d’impostas da l’imposta d‘immobiglias
- Decisiun davart la vendita o l‘impegnaziun da proprietà da terrain e concessiun da drets da fabrica, dad aua e da drets da giodia specials chi surpassan 30 ons
- Decisiun davart affars chi vegnan suottamiss tras moziun o iniziativa
