In gövgia, ils 14 avuost 2025 a las 20:00 h, invida il stab directiv cumünal da la Val Müstair la populaziun ad ün dialog davart ils ris-chs illa sala da gimnastica da la scoula Sta. Maria Val Müstair. Il tema da la saira es l'analisa da privels dal Cumün da Val Müstair.
- La populaziun vegn orientada sur dals privels da la natüra cha l’analisa da privels ha identifichà, las consequenzas d’eventualas escalaziuns e las masüras previssas.
- La populaziun survain la pussibiltà da far dumondas e d’exprimer sias observaziuns e seis bsögns.
Nus ans allegrain sün üna numerusa partecipaziun.
Per tuot quellas e quels chi nu pon esser preschaints persunalmaing a la sairada d’infuormaziun, vain l’occurrenza eir transmissa via livestream.
L’access al stream chattais Vus quia:
https://vimeo.com/event/5284027